｜玩樂の享｜演技大爆發ε≡ﾍ( ´∀`)ﾉ @ Trick Eye Museum Hong Kong

以前成日都好羨慕朋友可以去影D係3D藝術館的搞笑相片放上社交網絡開心Share～

搞到我心思思都想去玩下，但無奈要衝出香港先可以玩到，一直心裡記掛著～

近年，香港已經開左類似的3D藝術館啦！心思思的我終於早兩星期去左玩啦！

我當然也要開心Share啦！

同行的除左有我的私人攝影師（奸笑）－我男朋友之外，我仲約左我阿哥阿嫂同兩個小姪女一齊上去玩添！可以盡情享受一天家庭樂吧！OH YEAH！

當日我們就相約在中環交易廣場巴士站集合，乘搭15號巴士到山頂廣場！

無錯無錯！我們的目的地就是在2014年開幕的【Trick Eye Museum Hong Kong 香港特麗愛3D美術館】

它原來大有來頭，它的總館源自於是南韓首爾，第一間的總館是在2010年開幕的！經過幾年間大受好評，於是在上年分別在香港及新加坡開設分館，所以我地香港人有福了！

終於到達山頂廣場，【Trick Eye Museum Hong Kong 香港特麗愛3D美術館】就在廣場的三樓～

沿途都有指示，很易找到這搶眼的紅色入口～

售票處也在這裡～

我有兩位小姪女，一個2歲幾一個5個月大都暫時不付費入場哦！

不過BB車就唔可以入場，要預先放在售票處暫存～

你看我的小姪女一臉無奈啜手指，大概知道沒有車仔坐吧！

而且入面沒有洗手間，所以要去定先好入場呀！

未入場已經有個自拍位啦！

美術館館內佔地約7千平方呎，主要係分5個主題展館，包括有「秘密花園」、「名畫世界」、「大冒險」、「夢幻樂園」及「探索香港」，一共展出接近50幅錯視畫作及展品為拍照點！

準備相機就入場了！售票處旁就有一個吶喊到Luck褲的特麗愛～

所以影相的重要位置旁邊都有一個影相Pose介紹，唔知擺咩Pose都可以參考一下！

入場後第一個展區：秘密花園Secret Garden

這個展區以花草樹木大自然的環境為主，還有小溪流水，色彩繽紛，令人好似置身其中，心情都特別開朗～

入到去我就立即演技大爆發啦！首先玩D低難度先啦！

一個人坐係架船同朵花對望做咩呢？

P.S. 留意相片中的設計對白

嘩！好靚！有瀑布有小仙子有彩虹，仙境一樣，但我企左係中間，點算好？

P.S. 留意相片中的設計對白

我的另一位小姪女，今年就要讀K1了，好可愛！

但她太怕羞，不願跟我呢位姑姐單獨合照！

她還在爸爸的協助下，幫細妹同媽媽影相，真叻女！

到我影啦！幾貼題！哈哈！

P.S. 留意相片中的設計對白

超級立體的畫像，真係叫人入目三分，唔做下戲都唔得啦！

你睇下旁邊D小朋友都交足戲架！

之後就進行第二個展區：名畫世界 World of Masterpieces

這個區域主要是世界名畫為主題，可以近距離跟他們影相！

其實後面自拍的係唔係蒙羅麗沙的微笑呀？哈哈！

 

入面還有不少實物的展品，都是可以任意觸摸及拍照～

B女也跳舞！哈哈！

神奇藝術館！人都不需著地參觀的！

P.S. 留意相片中的設計對白

大雞小雞都可以騎，畫功非常利害，好神似呀！

當中還有驚險場面，真係少D戲都唔得呀！

P.S. 留意相片中的設計對白

走進第三個展區：大冒險　Great Adventure

這個大冒險展區不少刺激驚險的場面，演技及肢體語言都要推到最峰先可以拍得出真實感！

坐上去也可以當上一個賽車手，不過我無頭盔，好危險wor！

WOOO…我要跳傘啦！現實中唔敢做，唯有係度影張握下Like啦！哈哈哈！

我小姪女演技勝我一籌wor～佢真係好驚咁既樣！

 

P.S. 留意相片中的設計對白

 

神奇無影檯，點都係坐唔到落去既？

進入第四個展區：夢幻樂園　Neverland

這個展區叫夢幻樂園，當然場照都是很夢幻啦！讓大家進入夢境吧！

你影我又影，要和貓先生玩自拍～

P.S. 留意相片中的設計對白

 

相機拍攝效果，影到貓先生幾靚仔！

好靚的背景，背後還有貓貓和我合照呢～～

 

國王的新衣？

國王呀國王，你套新衣又幾靚wor！但係咁多人唔好”R” pat pat 好嗎？

 

如果發一個夢係將做鯊魚的晚餐，咁應該會嚇醒！哈哈！

Flying Yoga je～對我黎講，無難度啦！

但阿哥仲堅，抱住阿女玩！俾個字你：服！

 

青蛙皇子，要你久等～等公主殿下我親吻你就變返人啦！

黑熊大追捕！哈哈！捉我唔到既～

E? 場邊有位人兄周街辦大事玩手機wor，個pat pat咁唔涼咩？

最後就到：探索香港 Hong Kong Discovery

發完夢～終於都可以返回現實世界啦！

巨B玩轉會展？

 

P.S. 留意相片中的設計對白

天壇大佛佛法無邊？

點解我成日要做人地既晚餐架？唔好食好呀！

開心的時間過得特別快，又係時間講Bye bye，臨走有都敏俊送花俾我呀，好耐無花收！真開心啦！（自我幻想中）

後記：

終於都一完我的心願去玩3D美術館，好好玩呀！

如果要影哂所有的拍照位，起碼要2小時以上～

爬高爬低趴地都係為左影張想真度高的相片，所以如果大家都去的話，記得帶返部相機去影啦！手機功能始終有限！

這個室內的玩樂設施，就算打風落雨都唔驚啦！

岩哂一家大細情侶入黎玩樂一番啦！

（我男朋友好低調，所以我跟男友的相片未能曝光～KEKE！）

＊如果只有兩人入場玩又想影合照，可以不妨搵場內職員幫手，佢地識得用最好的位置幫你們影架～但係如果唔想煩到人，就梗係約多D朋友一齊入去玩啦！

Trick Eye Museum Hong Kong 香港特麗愛3D美術館

地址：香港山頂廣場3樓1號店

開放時間：周一至周日10am - 10pm (全年無休)

票價：成人$150 (12-64歲)；小童 $100 (3-11歲) ；長者 $100 (65歲或以上)

Website: http://www.trickeye.com/hongkong

Facebook: https://www.facebook.com/trickeyeHongKong

免責聲明:

本文章所發表的全部內容均屬個人意見及感受，並不代表該品牌／公司之言論及立場。

如需協助或希望獲得更多有關產品資訊，請直接聯絡該品牌／公司查詢或尋求相關專業意見。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 
Wing Ho
E-mail : fingyanwing.makeup@gmail.com / fingyan.wing@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

｜吃喝の享｜隱世正宗印度菜 @ Rang Mahal Authentic Indian Cuisine

上次跟好姊妹試過印度菜後，相機食先Whatsapp給男友看看～

當時身在台灣旅遊的他就話回來要試下～

向來喜歡試新餐廳的我，就找來位置中環的一間隱世正宗印度菜餐廳Rang Mahal Authentic Indian Cuisine～

沒錯！這食店是沒有中文名字的！

餐廳位置距離中環MTR向上環方向步行約十分鐘左右就到達～

話到明係隱世，當然不是在大街大巷，到達大廈上幾層樓梯再搭電梯才找到門口～沿途都有指示牌都唔會盪失路的～

餐廳內的格局是很傳統的印度色彩，燈光較昏暗～

 

先看看菜單點菜，吃過幾次印度菜之後，我也大概知道什麼是比較岩我們的口味～

明顯這間餐廳的印尼風味比較濃一點，有很多傳統的印度菜式選擇～

雖然每枱都有一支水奉送，因為菜餚的味道比較濃烈一點，所以我們點了一杯很普通的橙汁～

先到前菜，是餐廳送的前菜～

胡椒脆餅：

是印度的傳統前菜，脆脆薄薄的，可以就咁食，又可以點上他們奉上的三款醬汁食用～

綠色的醬汁的有點薄荷味，橙紅色的醬汁是最辣的一款，而黑色的醬汁是帶微酸的辣味～個人口味而言，我最喜歡綠色薄荷味的醬汁，因為怕辣，哈哈哈！

似曾相識呢，是我之前在另一間餐廳所食過的另一款前菜～

辣薄脆：

這也是跟胡椒脆餅差不多，不過上面就多了蔥花、洋蔥、蕃茄粒及辣粉等～

不過這個辣薄脆真係是很辣，我跟男友都是怕好辣的，我們就不斷要飲水沖淡啦～

喜歡吃辣是一定要點這個，其實係幾好味，不過對於我地黎講就辣左少少～

薯蓉咖哩角：

這個幾好味，是帶點微微咖哩味，中間包著咖哩味的薯蓉，不過我覺得個皮略厚左些少，加上一粒很大的，吃完一粒已經感到有點膩，所以要放到最後再吃第二粒！

印式春卷：

這個唔辣，跟我們平時飲茶的春卷無異，炸得剛剛好，脆口惹味～

中間有一小碟茄汁，感覺好似食薯條一樣，我都係覺得不沾任何醬汁好味D～

無骨燒雞：

以鐵板上碟，上碟時吱吱聲，夠鑊氣！

可以吱上一點檸檬汁調下味，雞肉本身已經醃左味，好惹味好香，肉質都幾嫩，易咬開，好味！不過份量就少D！

椰汁咖哩蝦球：

這裡有齊十一款咖哩汁，可以選一款汁來配蝦球／魚柳／羊肉／雞肉～

我們就選了椰汁咖哩加蝦球，好好味呀！

椰汁咖哩又唔辣，岩哂D怕辣人士食，而且好惹味！

蝦球尚可，比較細小，而且發現有D蝦腸要自行清走，不過肉質幾好味，好配椰汁咖哩呀！

蒜蓉烤餅：

食印度菜點可以唔叫烤餅，我就最鍾意蒜蓉味的烤餅，再沾上椰汁咖哩食，好好味，當飯食都得呀！

後記：

這裡比較多外國人入來用餐，證明都得到外國人的歡喜～

如果你都想試下正宗印度菜，都可以去試試架，由餐廳環境至食物都令到你有在印度用餐的感覺！

Rang Mahal Authentic Indian Cuisine

地址：中環皇后大道中118號2樓

Openrice： http://www.openrice.com/zh/hongkong/restaurant/%E4%B8%AD%E7%92%B0-rang-mahal-authentic-indian-cuisine/153355

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 
Wing Ho
E-mail : fingyanwing.makeup@gmail.com / fingyan.wing@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

｜Eventの享｜零味不傷髮電髮新產品 @ 日本FEELING 0味清新魔髮旅程

大膽創新的頭髮造型，往往換來的後果都是超傷頭髮的！

最常見的方法就是電髮或染髮，我也曾幾何時試過電髮的造型～

往往電完髮後，回到家中都有一陣電髮水味陪著自己幾天～真的不好受～

但宜家科技日新月異，當然這是有辦法解決啦！

早前有幸受邀參加由Grandsky Professional 君雅國際舉辦的《日本FEELING 0味清新魔髮旅程》！

第一次參加以頭髮為主題的活動，真的興奮又期待！

看似陌生又不陌生的品牌，原來是大有來頭，來自日本專業品牌FEELING 其實已登陸香港 11 年，本年還榮獲2個由著名潮流雜誌所頒發的產品大獎，其專業的產品，只是在專業髮品店或相關髮型屋才可購買得到，可見產品的專業程度，達到髮型師都一定喜愛的品牌！

當日活動就在尖沙咀的White Button內舉行，一入到去就見到很多專業髮型師及Model正在準備中，我也得找個位置坐下，跟Blogger朋友交流一番先！

大會按排了特式飲品給我們，枱上有一個玻璃盆照植物，寫著大會主題「0味空間」及插著一支產品，是什麼來的呢？陣間自有分蹺～

活動開始就由香港 FEELING榮譽創作總監Calvin Yau為大家講解髮型與產品的配合與特別之處～

大會更邀請到姊妹淘主持人及香港小姐冠軍葉翠翠小姐一同為大家作分享～

她提及到也一直有用Feeling這品牌的產品，像他們是藝人經常要染電頭髮，所以選擇都特別小心，希望減少對頭髮的刺激及傷害～正因為Feeling產品令她有信心保證，所以都用了一段長時間了！

她還分享護髮心得，令我們獲益良好，真係好似將姊妹淘搬到現場一樣！

當日活動的焦點產品就是Feeling最新推出的0 味電髮液，這電髮液與傳統的有所不同，話到明係0味，當然是不會發出難聞氣味啦！

而且產品更加入透明質酸、骨膠原及氨基酸等成份，有效呵護脆弱的髮絲～

在文章前部份提及的玻璃盆照植物，大家記得嗎？

這正正代表著產品是環保、健康清新的概念，為地球環保出一份力！

接著，就由一班髮型師示範運用產品來為一眾Model設計全新的髮型，以及即場改變造型，真是大開眼界！

最後，示範完畢就是大合照時間啦！

各Model都有與眾不同的髮型，實在大吸晴了！

活動完結後，我們一眾Blogger當然要合照自拍下啦！

最後很多謝勞苦工高的大會職員籌辦這是精彩的活動，令我認識到產品之餘，更可以學懂不同的護髮造型心得！稍後時間我會親自去體驗他們的「0 味電髮液」，這麼久也沒有改變造型，係時候襯機會搞搞新意思啦！

記得留意住我分享呀！

是次活動受邀於品牌，再次感謝品牌公關 :)

免責聲明:

本文章所發表的全部內容均屬個人意見及感受，並不代表該品牌／公司之言論及立場。

如需協助或希望獲得更多有關產品資訊，請直接聯絡該品牌／公司查詢或尋求相關專業意見。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動．化妝工作 
Wing Ho
E-mail : fingyanwing.makeup@gmail.com / fingyan.wing@gmail.com
Facebook : www.facebook.com/fingyanwing.makeup

Instagram: FINGYANWING.MAKEUP 

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊