2015年9月25日 星期五

|吃喝の享|港式創意茶記 @ 好燒味茶記 Good BBQ

港式茶餐廳,其實予人印象來來去去都係一般的菜式,我相信大部分香港人不用看餐牌都識得點叫!
早前,住在筲箕灣的朋友話帶我去一間非一般的茶餐廳食野~
喜歡周圍試新菜式的我當然樂意奉陪,我們一行4人就走進這間茶餐廳-好燒味茶記

好燒味茶記位於筲箕灣港鐵站附近,步行10分鐘左右就到達,食店就位於天悅廣場的地庫位置~
食店其實同普通茶餐廳無太大分別!當晚大約7時半左右到達,食店已經坐滿32人,都幾多人幫襯wor
咁應該都幾好味啦!



坐下來就被這個「核蛋叉燒飯」的宣傳單張吸引住!
只係聽個名都已經夠爆啦!仲要係店舖自創的叉燒飯,所以我點都要會一會佢!


之後再看看菜單,都是一般茶餐廳的菜單,款式夠多,主要以燒味及小菜為主,難怪咁多一家大細黎食啦!

男人的浪漫都有呀!
 

核蛋叉燒飯(HK$38):
好大碗叉燒飯呀!原來核蛋就是有一隻半生熟的雞蛋,有D似日本的溫泉蛋一樣,可以將佢混在白飯一起食用又有另一番風味!
而叉燒是半肥瘦,幾好味!不過我一個人都應該食唔哂一碗,因為份量多大呀!

 
沙爹粉絲金菇肥牛煲(HK$55):
食店其他的小菜都好出色,這個煲沙爹味好香,不辣的,岩哂我口味!
而且肥牛的份量好多,唔會偷工減料,仲有青椒紅椒及菠蘿做配料,好惹味呀!


豉椒炒蜆(HK$48):
好夠鑊氣的豉椒炒蜆,醬汁超好吃,雖然蜆的體積比較細小,不過份量依然好足!
最後被我們密密地把一整碟清哂!
至於鮮唔鮮味都不太吃到,因為醬汁已經蓋過D味道了!好味!

 

金銀蛋浸時菜(HK$55):
一餐裡面要有肉又有菜,所以點了這款,時菜是菜心,好大條呀(你睇!長過隻飯碗呀)!
如果佢可以剪一剪先上碟,食起上黎就冇咁煩!
 

西檸煎軟雞(HK$55):
又係一款好開胃的小菜,酸酸甜甜的醬汁,雞塊都炸得好脆口,炸粉不算太厚,不錯不錯!


所有小菜都附有白飯及飲品,凍飲就要另加HK$5,特飲就加HK$8,以晚餐來說價錢都好平民!



後記:
朋友果然沒有介紹錯,真是一真好特別的茶記~菜式名稱創新~
整體的小菜食物都的中上等級,而且份量又多,朋友們都讚口不絕!
住在附近/路過都可以去一試呀!



好燒味茶記 Good BBQ
地址:筲箕灣天悅廣場地下L3-L5號舖

********************************** 歡迎合作試用.邀稿.出席活動.化妝工作 
Wing Ho
E-mail : 
fingyanwing.makeup@gmail.com / fingyan.wing@gmail.com
Facebook : 
www.facebook.com/fingyanwing.makeup
Instagram: FINGYANWING.MAKEUP 
**********************************

沒有留言:

張貼留言