澳門可算是離香港最近的旅遊目的地，船程只需1小時多就可以到達，唔洗簽證唔洗帶Passport就可以出發，係好多香港人選擇旅遊的好地方～
好多人只會覺澳門只有豪華五星酒店、賭場及一些為人熟悉的澳門景點如大三巴、媽閣廟等，但其實澳門仲有好多景點、特色建築物及古蹟文物等，只要我地放慢腳步，跟閏蜜好友來一趟好拍好玩的澳門之旅啦！
今次我地捨棄澳門的熱門旅遊地點，走到澳門郊區拍下食下行下～
第一站：路環聖方濟各聖堂
地址：路環計單奴街/馬忌士前地
附近之巴士路線: 15, 21A, 25, 26A
澳門以前是葡國殖民地，所以不難找到葡式的建築物及教堂等外國風的地方～
是次去到氹仔路環一所色彩教堂～
而教堂前有一座紀念碑，是紀念當地1910年戰勝海盜一役～
這座小教堂的建築形式類似澳門一般教堂的巴洛克式建築。教堂的外牆為黃色及白色為主，五顏六色的窗框及佈置，內內外外都好Colorful呀～
雖然佔地唔大，但門口真係好好拍呀！
沿著十月初五馬路步5分鐘就到去下一站啦！
第二站：安德魯咖啡店
地址：路環市區戴紳禮街1號地下
安德魯葡撻係澳門葡撻的始祖，我地就行左去附近既安德魯咖啡店坐低醫下肚！
安德魯葡撻($9)
酥皮好香好脆，蛋漿好滑又唔甜！
西瓜青檸特飲($38)
西瓜有消暑解渴作用，加上青檸酸酸甜甜，好開胃！
我唔客氣啦！
今次遊走非旅遊熱點，所以我地交通主要以巴士為主！
其實搭澳門既巴士一D都唔難，同香港大同小異，睇清楚目的地上車，最重要梗係要準備足夠散子啦！
第三站：嘉模聖母堂
地址：澳門氹仔嘉路士米耶馬路與嘉模前地交界
附近之巴士路線: 11, 15, 22, 28A, 30, 33, 34
在官也街出發行步10至15分鐘就到嘉模聖母堂！
雖然係唔可以入去裡面參觀，但係外圍都十分好拍哦～
預定景點：龍環葡韻住宅博物館
地址：澳門氹仔海邊馬路
附近之巴士路線: 11, 15, 22, 28A, 30, 33, 34
(相片取自網絡)
原本還安排去龍環葡韻住宅博物館，就在嘉模聖母堂旁，又係一個好有葡式風格的建築物，只在上網看相片都已經覺得很美，很多人影Pre-Wedding都係度取景架！
不過去到正在進行優化工程，暫不對外開放，白行一趟囉～唯有下次再來吧！
第四站：二龍喉公園＋松山纜車
附近之巴士路線: 2, 2A, 6A, 12, 17, 18, 18A, 19, 22, 23, 25, 25X, 32
在二龍喉公園入口處有觀光纜車直達東望洋山山頂～
我地去搭澳門的2蚊纜車，來回都係3蚊，好抵呀！
如果想行都可以慢慢步行上山，路段都好好行，沿山路好多人黎到做運動跑步添！
公園內有好多綠色植物，仲好有心思的為植物打造成一條龍形，好有趣呀！
預定景點：東望洋炮台
開放時間：
炮台：上午9時至下午6時
聖母雪地殿聖堂：上午10時至下午6時，下午5時30分之後停止入場（不准拍照）
沿住公園行到山頂其實就可以去到東望洋炮台，不過我地去到都剛好關門了！
所以大家黎就要留意開放時間呀！
(相片取自網絡)
其實澳門仲有好多特色的地方可以去走走拍拍，但我們即日來回時間不多，所以去的地方也不多！
不過唔緊要，澳門咁近，下次再約朋友去走走，除左地方仲有好多美食等緊我地，再次去感受澳門無限式啦！
Macao, See you next time :)
P.S. 特別為是次旅程拍片，希望可以以另一文字以外的角度去跟大家分享，Vblog將不日放映，請先訂閱我個YouTube Channel，現在加緊後期製作中，短片好快出世，大家密切留意囉！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
沒有留言:
張貼留言