2018年2月23日 星期五

♥R&W♥ 婚享 #5:倒數一年出嫁✧辦嫁妝買金器小記錄の感受父母的愛【限定優惠】


在上年年尾決婚期後爸爸媽媽每次出街都要自己去金鋪睇金,因為爸爸以前都是做金飾呢一行,所以對於買金的價格真係熟過我多多聲,加上我媽媽是慳家精明眼的師奶,所以我完全唔擔心(因為對於呢方面我真係咩都唔識哈哈)

對於有折有優惠當然係少少益善,多多無拘啦~我身邊都有人係周X福做,買金飾都有手工優惠,不過優惠不是太吸引!

我跟男友出去行街都會去睇對戒時順手望下D金飾,睇下手工費如何啦~

一直都無決定幾時要買金器,因為距離Big Day都仲有一年多,好似仲有時間慢慢睇
就在早兩天大年初一,爸媽又走左出去睇金器,在我跟男友出去拜年期間就Send左幾張金器的相片俾我,叫我睇下鍾唔鍾意,在電話中講到咩買金送金,我都R哂頭叫我自行過睇下啦


年初二,男友就來我家拜年,於是就跟爸媽一齊出去食飯兼睇金器,因為都要親眼睇到同試戴先可以感受到!

我地都特登去左一間唔係旺區的分店去睇,希望遊客少D,揀都揀得自在D


至於手工費(左下角):
1件嫁妝頸鏈+2件龍鳳手鐲=3件手工費HK$19,真係明碼實價!(埋單都仲有個佣金費,真係唔找數唔知)


好多人都話新年買金會比較貴,但爸媽叫到我去睇,我都無太理,因為俾佢地計過都應該冇死~
買金送金呢個優惠好似係新年期間都會有,買滿指定金額就會送個足金利是,如此類推!

講返正題啦~揀金飾~



媽咪一直都話想買塊豬牌俾我出嫁,不過我去到見到呢個花花鏈造工幾仔細,好立體,好溫柔,拒絕氣!


既然要買梗係試上身啦~店員仲準備左個紅色小旗袍俾我去睇下戴上身個送果~
呢個其實襯晚裝都幾靚,LOW CUT敬酒裙,所以都特登除左件旗袍旗袍睇下拼上身係點!


之後就試埋牌媽咪睇中左既豬牌啦~Display呢隻好似係細Size,都試一試先!


因為媽咪知道有豬牌大Size的,於是問一問店員,佢地就係倉拎左出黎俾我試,大家對下小豬同大豬真係唔同架!
爸爸仲話緊係要隻大,豪氣Dma其實我爸爸都幾Funny XD


大豬牌半身個效果就係咁架啦~(請無視我的素顏~HEHE)



輪到龍鳳手鐲啦~媽咪都一早睇中呢對叫我試下!
雙囍字係有通花的,而旁身係噴砂,龍鳳的圖案是令身的,我媽咪的Taste都唔錯對比左其他款都覺得呢個唔錯,所以我就冇試其他啦!


(請無視我的素顏~HEHE)

在花花鏈同豬牌之間,我最後都係揀左豬牌,一來順下爸爸媽媽意,二來對花花鏈好似又唔係太大喜愛!
同埋知道男友嫲嫲早幾年已經買左花鏈俾佢個孫娶老婆啦(即係我)哈哈!所以唔想撞款就揀豬牌啦!


D就係之前講買金送金果D黎啦~SIZE唔算好大,好似一個一蚊銀咁上下!問左店員單價都要HK$198一個架!買滿金額就一個,如此類推!


店員仲好細心咁續個PACK好利是咁款,冇寫明係狗年既~所以爸媽話可以之後睇下咩場合就拎黎送俾人都好大體呀!

呢個優惠好似只限新年期間先會有,所以我立即開心SHARE俾大家準備買金器的準新娘子!

至於金價抵唔抵我就真係無研究過,經我熟行的爸爸同精明眼媽媽格過都應該唔會貴得去邊,同時佢地都話其實金價係點都要買~

呢一刻終於知道自己仲有一年多就要出嫁即將離開由細到大成長的爸媽懷抱了打到呢度有點眼濕濕,雖然我地唔係有錢人家,小康之家都唔算得上,不過爸媽都要我嫁得好好睇睇,為我辦嫁妝都唔會吝嗇,這就是父母的愛吧!


要好好紀錄宜家的感受,就是我跟未老公一輩子的回憶




以上都是我的用心分享,大家喜歡的就留個腳印支持下~你們的支持就是我婚享的原動力!多多指教!

#以上為非邀稿文章 This Blog is non-sponsored #


**********************************
歡迎聯絡合作
Wing Ho
Instagram: FINGYANWING.MAKEUP

**********************************

沒有留言:

張貼留言